..... Bogan waxad ka daalacan kartaa warar iyo wacaal sugan oo ku saabsan J.Somaliland iyo Caalamka kale ........."Ha Jirto Jamhuuriyadda Somaliland Oo Ha Joogto Waligeed"........

Wednesday, September 13, 2017

Shirqoolkii Birmingham-Qaybtii 4aad. Cali Cumar Xasan

F.G: Akhriste, si aad u fahamto sheekada fadlan soo akhriso marka hore qaybihii hore ee qoraalkan, oo aan hoosta kuugu soo lifaaqay.

...Inta aanan bilaabin qoraalka waxan halkan uga mahad-naqayaa dad aad iyo aad u faro-badan oo caalamka ku kala baahsan oo reer Somaliland ah, oo  ila soo xidhiidhay, oo ay qaarkood-na waliba ii soo tabiyeen-ba warar xiiso leh oo isla mawduucan (shirqoolka Birmingham) ku saabsan. Weedho ka mid ah fariimihii aan ka helay asxaabtaas ayaa qaarkood odhanayeen sidan; "waar, waxanu maqalnay in aad dambiyo xunxun samaysay oo lagu xidhay sanado ka hor iyo waliba, qaar yidhi, in gacani ku soo gaadhay ayaanu maqalnay iwm." Hadaba, akhriste, waxa laga yaabaa in aad is-waydiiso oo tidhaahdo, mawduuca ninkani ka hadlayaa waa maxay? mawduucu waa sheeko aniga igu saabsan oo ah ta qormooyinkani ku socdaan, hase-yeeshee, salka ku haysa dagaal lagula jiro qof kasta oo magaca J.Somaliland kor u-haya, oo ay wadaan dad abaabulan oo isku hayb ah ku-na wada xidhiidha baraha bulshada, kuwaas oo nin oday ah oo reer Somaliland ah oo aanu saaxiib nahay waqti hore u-bixiyay "Xamasta." 

Sunday, September 3, 2017

Shirqoolkii Birmingham-Qaybtii 3aad: Cali Cumar Xasan

          F.G: Akhriste, si aad sheekadan si fiican ugu wada fahamto fadlan, marka hore soo akhriso qaybihii hore ee qisadan oo aan hoosta koogu soo lifaaqay!

.... Sidii aan hore ugu soo sheegay qaybihii hore ee qoraalkan, dalka Holland oo aan muddo deganaa waxa aan kala kulmay dhib aad u-foolxun oo na dhex-martay qolyo dhakhaatiir ah iyo dad u shaqeeya dawladda hoose ee degmadii aan deganaa. Arintaasoo ka dhiidhigeedii uu ilaa heer maxkamadeed ila-gaadhay oo aan furay dacwad socotay in ka badan 8sano. Hadaba, waxyeeladan aan isku haysanay dhakhaatiirtan Hollandiiska ah oo ahayd mid aad iyo aad u culus ayaa ku kalifay Hollandiisku in ay dhagaystaan telefoonada qoyskayga, iyaga oo danta ay ka lahaayeen-na dabcan ahayd, inay la socdaan oo ay ogaadaan bal waxa aan ku mashquulsanahay. "Arimaha noocan oo kale ah marka laga sheekaynayo dadka qaar ayaa u qaata wax la-mala-awalayo oo aan jirin, hase-yeeshee, tani, waa mid caam noqotay oo sida aan hore u soo sheegay aniga ka-sokow, ay niman turjumaano ahi baraha bulshada iyo dadkoodaba ku dhex-baahiyeen!

Sunday, August 27, 2017

Shirqoolkii Birmingham-Qaybtii 2-aad: Cali Cumar Xasan

F.G: Akhriste, si aad sheekadan si fiican ugu fahamto fadlan, marka hore hoosta ka akhri qaybaheedii hore oo kala ah   "qaybta hordhaca ah iyo qaybta 1aad"

..... Sida aan ku soo sheegay qaybtii kowaad ee qoraalkan"Shirqoolkii Birmingham qaybtii 1aad", dalka Holland oo aan mudo dheer ku noolaa waxanu maryo-dhiigle soo kala furanay dhakhtaro iyo dad kale oo Hollandiis ah oo qoyskayga waxyeelooyin u gaystay iyo, weliba dad Soomaali ah oo ay Hollandiisku adeegsanayeen oo dhuuni iyo faro-guudkood wax lagu qaado lagu soo dagaal gelin jiray!  Mudo aan yarayn markii aan hadaba keeb-la-yuurur ahaa ee aan labadaas kooxood ee is-bahaysanaya dhufayska ugu jiray ayaan gar-waaqsaday, in qoyskayga aan mustaqbal wanaagsan oo dambe Holland ugu hadhin ee ay lama huraan tahay in nafta meelo kale loola harbo.  Dalka Ingiriiska, oo ay Soomaali badan oo Holland iyo dalalka kale ee Yurub-ba qaxooti ka ahaan jirtay ay hortay u soo guureen, ayaa markii aan taloda rogrognay noogu muuqatay meesha ugu haboon ee wax laga bilaabi karo.

Tuesday, August 15, 2017

Shirqoolkii Birmigham- Qaybtii 1aad.; Cali Cumar Xasan

F.G; Akhriste, si aad sheekada u-wada fahamto, fadlan, marka hore akhri qaybta hordhaca ah ee aan boggan (hoosta) ku soo lifaaqay.

Ogsoonoow; "Dhacdadan aan ka sheekaynayaa waa wax dhab ah!"

..... Sahra Xasan, oo ah gabadhii warka digniinta ah ii siday (...ka akhri hoosta qaybta Hordhaca ah) waxan waydiiyay su'aalo dhawr ah oo ay ka mid yihiin halka/cida ay ka maqashay warkan iyo goorta ay maqashay?. Sahra waxay ii sheegtay in sheekadu ka soo maaxatay dumar ku-xidhan Social media-ha oo waxa ay tidhi; "dumar ayaan hadalkan ka maqlay, waana dhab ee walaal is-ilaali oo ogoow sheekooyinkan shakhsiyadaada ku saabsan ee la faafinayo waxa looga dan leeyahay in lagugu dhibaateeyo!" Sahra, waan u mahad naqay, isla-markaana waxan ugu sheekeeyay waxyaalo hore oo dhacay oo arintan ay ii sheegayso ee shirqoolka ahina ay daba-socoto, oo mudo hore ka bilaabmay dalka Holland, waxana ka mid ahaa;

Wednesday, August 2, 2017

"Hordhac": Shirqoolkii Birmingham. Cali Cumar Xasan

Hordhac:

- Bishii Todobaad ee ina dhaaftay badhtankeedii, gabadh reer Somaliland ah oo cadhaysan ayaa soo gashay Tukaan aan ka shaqaynayay. Dabadeed, aniga oo afaafka  tukaanka agtiisa jooga ayay igu tidhi; "Walaal, ninka la yidhaa Cali Cumar Xasan, ee haybtiisu tahay reer Gabiley ma tahay?". Anniguna, ma yaabin mana dafirinne waxan gabadhii ugu jawaabay oo aan ku idhi "Haa", walaal ninkaasi waa aniga.Gabadhii ayaa dabadeed magaceeda ii sheegtay oo tidhi; "Aniga magacaygu waa Sahra, waxana aan ahay gabadh Ina-adeertaa ah, waxana aan saaka kuugu imid inaan kuu digo, oo waa lagu shirqoolayaa oo lagu dhibaataynayaaye aad is-ilaaliso!". Marka ay Sahra (ina-adeertay) erayadaas ileedahay Ilmo ayaa indhaheeda ka soo qubanaysa. Waxa ay sii raacisay iyada oo ooyaysa "kuwii ragayaga ku dhameeyay Soomaaliya ayaa halkan-na (UK) doonaya inay hambadii hadhay ku laayaan!"

Thursday, December 15, 2016

Welsh Somalilanders on war-ravaged home they cannot forget

- But for some members of Cardiff's Somaliland community, the conflict in Syria is akin to a nightmare they have lived through."Maybe it was worse than Aleppo. There were bodies scattered everywhere, people dying in the streets, children," said Abdirahman Ahmed, about the war in his homeland.
He joined 150 people at Cardiff's city hall on Thursday to recognise the contribution of Welsh Somalilanders and to raise awareness of problems still afflicting the state 25 years after the war ended. These include a lack of medical facilities, jobs or help for the large amount of men suffering from mental health problems and a crippling drought exacerbating the situation.
Read more;
http://www.bbc.co.uk/news/uk-wales-38331804

Thursday, November 24, 2016

Somaliland: War-ravaged state linked to Wales for 150 years

- There may appear to be few similarities between Wales and a war-ravaged self-declared African republic where people suffering from mental health problems are chained up. Yet, a group of Cardiff men raising £100,000 to help them is just the latest chapter of a relationship with Somaliland that goes back nearly 150 years.
In May 2015, the city council became the second British local authority - after Sheffield - to recognise the country's independence from Somalia. Despite this, Welsh Somalilanders think there is little awareness of what they believe is Wales' fastest growing ethnic minority community, saying its population is nearer 7,000 than the 1,300 recorded.
Read more;
http://www.bbc.co.uk/news/uk-wales-37911424